Starfsárið fór vel af stað og var mikill hugur í stjórnarmeðlimum að vinna ötullega að uppsetningu á heimasíðu félagsins. Var ákveðið að halda allri fræðslustarfsemi félagsins í lágmarki og setja allt kapp á að gera heimasíðuna að veruleika. Félagið leitaði eftir fjárstyrkjum til verksins og gekk sú fjáröflun vonum framar. Vinnufundum stjórnarinnar var fjölgað allverulega og eftir ákveðna þrautagöngu var ákveðið að ganga til liðs við fyrirtækið Design Europa um uppsetningu og hönnun á heimasíðunni og það er okkur sérstök ánægja að með hjálp ýmissa aðila er draumurinn um nýja heimasíðu félagsins orðinn að veruleika.