Um leið og við óskum félagsmönnum og velunnurum félagsins gleðilegs sumars viljum við minna á ráðstefnu á vegum Eftre sem fer fram í Belgíu dagana 25.-28 ágúst 2010. Yfirskrift ráðstefnunnar er:

Sjá nánar: http://www.eftre.net/

Stjórnin

Mannfræðifélag Íslands stendur fyrir pallborði undir yfirskriftinni:

"Þátttaka fræðanna í uppbyggingu"

Málþingið er hugsað sem stefnumót ólíkra fræðigreina og verður fjallað um þátttöku þeirra og framlag til uppbyggingarinnar sem á sér stað í samfélaginu. Mun þetta vera lokapunkturinn á fyrirlestrarröð Mannfræðifélags Íslands, sem bar yfirskriftina "Breytingar - uppbygging - þátttaka".

Framsöguerindi: 

Dr. Kristín Loftsdóttir, prófessor við félags- og mannvísindadeild HÍ. Samtíminn í útrás, hruni og kreppu: Gagnrýnin sýn mannfræðinnar.

Dr. Sólveig Anna Bóasdóttir, dósent við guðfræði- og trúarbragðafræðideild HÍ. Hver er maðurinn? Guðfræði – mannskilningur og uppbygging.

Dr. Gyða Margrét Pétursdóttir, aðjúnkt við stjórnmálafræðideild HÍ. Frábært útsýni af jaðrinum.

Dr. Geir Gunnlaugsson, landlæknir. Að fortíð skal hyggja þegar framtíð skal byggja.

Eftir framsöguerindin verða umræður um það hvort fræðin eigi að taka þátt í uppbyggingu og þá hvernig.

Aðgangur ókeypis og allir velkomnir.

Fyrirhuguð ráðstefna Ahmadiyya múslima á Íslandi, sem halda átti 5. maí n.k. í Norræna húsinu um stofnendur trúarbragða  hefur verið frestað. Ástæðan er röskun á flugi til og frá landsins.

Kynningarbás FÉKKST

FÉKKST var með kynningarbás á málþinginu Vörður á lífsleið barna. Af því tilefni útbjó stjórnin upplýsingabækling til frekari kynningar á starfsemi félagsins. Sjá hér.

Málþingið var afar vel heppnað og voru mörg áhugvekjandi erindi flutt. Stjórnin finnur fyrir miklum meðbyr og sýndu margir félaginu áhuga og þó nokkrir skráðu sig í félagið. Skoða má myndir frá málþinginu hér að ofan undir flipanum Myndir

FÉKKST var með kynningarbás á málþinginu Vörður á lífsleið barna. Af því tilefni útbjó stjórnin upplýsingabækling til frekari kynningar á starfsemi félagsins. Sjá hér.

Málþingið var afar vel heppnað og voru mörg áhugvekjandi erindi flutt. Stjórnin finnur fyrir miklum meðbyr og sýndu margir félaginu áhuga og þó nokkrir skráðu sig í félagið. Skoða má myndir frá málþinginu hér að ofan undir flipanum Myndir

Vörður á lífsleið barna

Málþing um hlutverk ólíkra trúarbragða í uppeldi verður haldið í

Bratta Menntavísindasviði Háskóla Íslands við Stakkahlíð

 þriðjudaginn 27. apríl 2010 frá kl. 13:00-17:00.

Á málþinginu verða haldin fræðsluerindi þar sem fjallað verður um mikilvæga viðburði í lífi barna s.s. nafngiftir og manndómsvígslur innan ólíkra trúarbragða. Gunnar J. Gunnarsson lektor í trúarbragðafræði og trúarbragðakennslu við HÍ heldur inngangserindi og nokkur ungmenni segja frá reynslu sinni.

Á málþinginu verða auk þess kynningarbásar frá trúfélögum og lífsskoðunarfélögum, FÉKKST (Félagi kennara í kristnum fræðum, siðfræði og trúarbragðafræðum), bókasafni Menntavísindasviðs og Námsgagnastofnun.

Málþingið er öllum opið og aðgangur ókeypis en þátttakendur greiða 500 kr. kaffigjald. 

Að þinginu standa Leikskólasvið Reykjavíkur, Menntasvið Reykjavíkur og Rannsóknarstofa í Fjölmenningarfræðum við Menntavísindasvið HÍ.

Sjá nánar hér

Skráning hér.

Ný stjórn var kosin á aðalfundi FÉKKST 2010.

Stjórnina skipa:

Aðalfundur félagsins verður haldinn

í  Víkurskóla

 fimmtudaginn 18. mars kl. 16:00

Sérstakur gestur fundarins verður Árni Svanur Daníelsson.  Hann mun flytja erindi um trúarstef í kvikmyndum.

Fréttabréf FÉKKST 2010

Stjórnin

Englar með Jóni Björnssyni

Nú endurtekur hinn margrómaði Jón Björnsson námskeið sitt um engla sem hlaut mikið lof þátttakenda sl. haust. Englar eru sérstakt áhugasvið Jóns, en á himnum uppi eru þeir um 266 milljónir eftir að Lúsífer hvarf þaðan með sína sveit og settist að neðra.

Af englum eru meira en 4000 nafngreindir og margir eru næsta furðulegir í háttum og útliti. Englar skiptast í stéttir og hafa mismunandi verkum að sinna og sumum næsta nauðsynlegum. Á námskeiðinu verður fjallað um hin (nokkuð rykföllnu) englafræði almennt og rakin samskipti þeirra við mannkynið, farið yfir útlitseinkenni, búsetu, kynhegðun og fleira sem ýmist er gagnlegt eða fróðlegt að vita um þessa yfirleitt vingjarnlegu nágranna. Drepið er á ýmsar kringumstæður engla svo sem sögu Gyðinga, Biblíuna, hugmyndaheim miðaldakristninnar og hugmyndir um himnana þar sem þeir búa.

Kennsla / umsjón: Jón Björnsson, sálfræðingur og rithöfundur

Hvenær: Þri. 16., fim. 18. og þri. 23. feb. kl. 20:15 - 22:15 (3x)

 Verð: 12.500 kr.

Ágætu félagar.

Gleðilegt ár og velkomin til starfa á nýju ári.

Stjórn FÉKKST vill vekja athygli félagsmanna á ráðstefnu á vegum Eftre (the European Forum for Teachers of Religious Education) sem haldin verður í borginni Brugge í Belgíu dagana 25. - 28. ágúst 2010. Ráðstefnan ber yfirskriftina:

Challenging Religious Education Poverty and Social Inclusion as European Issues

Athygli vekur að dr. Robert Jackson, sem er okkur að góðu kunnur er einn af aðalfyrirlesurum ráðstefnunnar en Jackson var annar af tveimur aðalfyrirlesurum á ráðstefnu FÉKKST á síðasta ári. Dagskrá ráðstefnunnar má sjá hér:  www.eftre.net